PRICE vs VALUE

I heard it said “Nowadays people know the price of everything, but the value of nothing”…

A ni awm tak e aw ka ti ta a ni…

* I thianpa in chawhlui kil puiah a sawm che a, zanriah kil lai chuan a sa leh chawhmeh lo hmehpui che man I chhut ru nauh nauh mai thei a ni. Mi hausa tak in chawhmeh tam tak a lo hlui che ai chuan sum lama harsa ve takin a theih ang tawk a lo hlui che kha, duhsakna thinlung atanga lo chhuak a nih chuan a hlu zawk daih….

* Thingtlangah doctor naupang tein kan han awm ve rawih a, hriat leh experience te la tlem mahse Pathianin kan damlo enkawl te a han tidam ve zel a. Damlo chhungten ‘Zo artui emaw arpui tui lai’ ngei emaw min han pek thin te kha...Aman han chhut chuan Aizawl vel a awmte tan chuan engtham a ni lo ang, amaherawh chu cheng sang tam man aiin a hlu zawk asin.

* Pawisa a lei theih tam tak, politicians, sawkar officers lian, doctor te thleng pohin kan awm ta…KS in pawisa hmuh nan a taksa a hralh ang hian inthlan lai te hian kan vote(moral value) hi kan hralh vel mai mai a ni lo maw..I hlutna(value) kha cheng engzat(price) nge I inchhiar ve dawn le?

*Dowry system te hi, vai tam tak doctor, IAS etc nih duh chhan chu hei hi a ni tlat asin.. I hming tawp a IAS, Ph.D, MD/MS,MBA etc a awm vangin tlangval luck tak niin I price a sang viau mai thei, mahse I nihna vang ni lo a hmangaihtu che neih kha a hlu zawk tlat.

* Hriselna chungchangah pawh, pawisa nei tan chuan latest treatment modality, doctor tha ber ber te pawh kan afford thei ta..mahse dam na tak tak hi chu mihring atanga chhuak a ni lo tih hi chu rei vak lo han thawh mai hnu pawh hian ka la hre thar zel dawn niin ka hria….