WELCOME

''He who has a WHY to live for can bear with almost any HOW''

Friday, July 2, 2010

engvangin nge?

1st July,2010: Doctor's day chu Lawngtlai a awm hovin kan hmang zo chu a ni ta der mai a.
Chawhma lamah kan Oath pangngai leh Christian Physician's oath sawirualna kan neih hnu in chawhnu lamah Lai Motherless Home kan zavaiin kan va tlawh ta a.Rev.Lalhmingsanga leh an Home mother in min lo hmuak a, naupang leh thawktute tan free clinic leh pawisa hlanna te kan nei a...rilru a kal thui duh ang reng khawp mai.Naupang 17 enkawl lai neiin, a naupang ber 2 weeks a nia(kar 1 naah a nu,pasal thihsan tawhin a boral san a)

* Engvangin nge fahrah tura an lo pian bik le?kan pian atang reng hian duhthlang thei kan lo ni lo..eng ang mihringah nge an lo thanlen ang le...
* Keini te hi engvangin nge kan vanneih bik?Kan fel leh that that bik vang em ni le? Thatna leh fel bikna kan nei bik si lo..
* Kan naupang hmuh ho ang khan vasekai leh thingtlang kilkhawrah te lo piang ve ta ila,tuna kan dinhmun hi kan thleng phak hlawm ang em le?
* Keini mihring te tluka inthlau thei hi an awm awm lo ve..mi tam tak chu an thawhrimna vang te, pheichham man te, phu loh malsawmna te pawh ani nawk awm e....heng phuloh malsawmna kan dawnte hi kan hmangsual fo a, midang rahbeh leh intihlal nan te.....


Ngaihtuahna lo lut ta chu mihring hi a tira inngaitlawm leh thuhnuairawlh,rinawm leh tlawmngai, Pathian hre tak thin te hian dinhmun tha zawk kan han chan hian chapona leh midangte hmuh hniamna, ngaihsak lohna(an rilru tur hrethiam lova han namnul mai ) te hi kan nunah a lo lut hma viau mai a.

Hla siamtu in mihring siamthat nan khawdur a ngai ani tihte pawh kan nunah kan mamawh fo reng ani.

Kan nun,kan thiltih that engvang mahin malsawmna hi kan phu lo.

A chhanna ka hre lo, Pathian hian duhsak bik a nei awm si lo a?engpawh nise 'it reminds me to be more humane and understanding toward my fellow human beings'

5 comments:

  1. I have known his doctor for awhile now, and he's the little brother I never had. He's one of those close friends you could rely on at any cost.

    ReplyDelete
  2. ziak thra thei khop mai

    ReplyDelete
  3. khrum: Keep up the good work. I Ziak khat mah mah. Ka blog pawh ka update ve ta e. Prepare well, completing thesis.

    ReplyDelete
  4. "Kan naupang hmuh ho ang khan vaseikai leh thingtlang kilkhawrah te lo piang ve ta ila,tuna kan dinhmun hi kan thleng phak hlawm ang em le?"

    He thu hian min hneh khawp mai. Thingtlang kilkhawr lutuk leh rethei lutuk chhungkua atang chuan lehkhathiam tak niha sang tak thleng zir a har khawp ang le. Hetiang chhungkuaa kan piang lo hi kan va vannei bik tak em. Fahrah, hnuchham ina awm ngai khawpa ka ni lo te hi ka vannei tak em. Pianphunga rualban ka ni ringawt te pawh hi ka va lawm tak em. Khawpuia seiliante hian thingtlang kilkhawra cheng te retheihna hi kan hre lo fo thin. I thuziak hi a tha khawp mai. Ziak belh zel rawh.

    ReplyDelete
  5. I honestly believe yours is one of
    the best blogs on the web.

    ReplyDelete